TVG EUROPA

A TVG tómalles o pulso ás grandes urbes galegas a través dos seus habitantes. Neste programa, os espectadores coñecerán cada edición tres personaxes con vidas únicas e poranlles nome e voz ás persoas coas que se cruzan cada día. Hoxe propón un paseo en bus pola Coruña e unha visita a un taller de coches en Pontevedra. Ademais, o programa irá de ruta polas principais pastelarías ourensás e bailará

Serie. As eleccións á presidencia da Asociación de Empresarios volven poñer fronte a fronte a Emilio e Carlos. Á vista dos apoios que está a conseguir o primoxénito dos Pardo Veiga, Carlos non dubida en radicalizar a súa campaña. Emilio, pola súa parte, coñece unha familia de viñateiros que lle devolverá a ilusión que perdera desde a súa marcha do pazo.

Serie. Neste capítulo, desvélase a relación de Suevia cos Pardo Veiga e vai ser moito máis próxima do que moitos imaxinan. Tanto que Emilio, ao coñecer a verdade, decide deixar a campaña electoral.

Serie. Os espectadores saberán se é Carlos ou Emilio quen consegue facerse coa presidencia da asociación de empresarios, tras unha xornada electoral que volve poñer de manifesto a profunda inimizade entre os dous.

Ante o medo de perder o seu traballo e afogada polas débedas, Sara pensa en delatar unha persoa moi importante para ela. Por outra parte, para Emilio o importante é agora a súa relación con Eva, pero o feito de que estea casada, alén dun segredo que descoñece, fará que a verdade acabe por estoupar e salpique varias personaxes.

Este capítulo cambiará a vida de todos os personaxes. A de Mario, porque, nunca mellor dito, cárganlle "o morto" do Panameño. A de Sara, pola visita de Cosme ao pazo. A de Claudia, que agarda a chegada ao altar do seu mozo. A de Leonor, que ve como todo o seu imperio de decadencia, dunha vez por todas, se vén abaixo.

Faladoiro informativo presentado por Celia Rúa e Luís Ojea dende o estudio multimedia da Radio Galega.

de Urzáiz, coa información deportiva a cargo de Terio Carrera.

Na clase de hoxe, Eddy, o noso preparador, propón unha sesión con esteira centrada na mobilidade e traballo da zona lumbar. Anxo, Noemi, Raquel e Estrella acompáñano nesta rutina esixente. Nos testemuños, comparten as sensacións e impresións que lles deixou a práctica dos exercicios, falan de cal é o deporte que máis engancha e fan un xogo de "que prefires…".

Magazine diario, presentado por Rocío Delgado e Bernardo Montaña, que lle toma o pulso cada mañá a Galicia. Centrado na realidade social galega, ofrece unha ampla cobertura en directo da actualidade.

Loli Gómez e Marcial Mouzo conducen un programa en que persoas de toda Galicia compartirán historias de vida e buscarán novas amizades.

Programa vivo e variado, presentado por Quique Morales e Rocío Durán, onde as grandes protagonistas son as historias cotiás dos galegos e galegas.

Rodrigo Vázquez recibe no estudio do "Atrápame" os cinco concursantes desta semana: Carmela de Abegondo, Nachortas de Catoira, Belén da Coruña, Carmen da Coruña e Cristian de Sanxenxo. Todos queren levar o bote, que está nos 34 100 euros, pero para teren opcións de facerse con el deben superar as distintas fases do programa e presentarse no "Minuto final".